بیوی ایک بیٹا ایک بیٹی میں مال کیسے تقسیم ہوگا؟

 بیوی ایک بیٹا ایک بیٹی میں مال کیسے تقسیم ہوگا؟

السلام علیکم ورحمتہ اللہ وبرکاتہ

کیا فرماتے ہیں علمائے دین و مفتیان شرع متین مسئلہ ذیل کے بارے میں کہ ایک عورت ہےاور اس کے شوہر کا انتقال ہوگیا ہے ،مرحوم کے دو بچے ہیں ایک لڑکی اور ایک لڑکا ،مرحوم کی جائداد میں ایک روم ہے،  دونوں بچے حصہ مانگ رہے ہیں، 

مرحوم کی بیوی نے روم بیچ دیا ہے ۔ 

اب دریافت طلب امر یہ ہے کہ تینوں ورثہ یعنی مرحوم کی بیوی، بیٹی اور بیٹا کو کتنا حصہ ملے گا۔ مدلل جواب عنایت فرمائیں کرم ہوگا۔

المستفتی ۔۔۔۔۔۔عبدالقادر راغب رضوی ۔

وعلیکم السلام ورحمةاللہ وبرکاتہ 

الجواب۔بعون الملک الوھاب صورت مسئولہ میں بعد تقدیم ماتقدم وانحصارورثہ فی المذکورین شوہر مرحوم کے کل مال متروکہ منقولہ وغیرمنقولہ کے (٢٤) چوبیس حصے کئے جائیں گے ۔ 

جس میں سے مرحوم کی بیوی کو آٽھواں حصہ  (٣ ) تین حصہ ملےگا ۔ 

ارشادباری تعالی : ۔ 

فَاِنْ  كَانَ  لَكُمْ  وَلَدٌ  فَلَهُنَّ  الثُّمُنُ  مِمَّا  تَرَكْتُمْ  مِّنْۢ  بَعْدِ  وَصِیَّةٍ  تُوْصُوْنَ  بِهَاۤ  اَوْ  دَیْنٍؕ ۔ 

پھر اگر تمہارے اولاد ہوتوان کا تمہارے ترکہ میں سے آٹھواں جو وصیت تم کرجاؤ اور دین نکال کر ۔ 

(پارہ  ٤ سورہ النساء آیت  ١١ )

پھر باقی بچے اکیس( ٢١) حصہ تو بیٹے کو چودہ حصہ اور بیٹی کو سات حصہ ملے گا ۔ 

ارشادباری تعالی : ۔ 

یُوْصِیْكُمُ  اللّٰهُ  فِیْۤ  اَوْلَادِكُمْۗ-لِلذَّكَرِ  مِثْلُ  حَظِّ  الْاُنْثَیَیْنِۚ- 

اللہ عزوجل تمہیں حکم دیتا ہے تمہاری اولاد کے بارے میں بیٹے کا حصہ دو بیٹیوں کے برابر ہے ۔ 

(پارہ  ٤ سورہ النساء  آیت ١١ ) 

مسئلہ          ٢٤

بیوی ۔۔۔۔۔۔۔۔۔۔۔۔۔۔۔۔۔۔۔٣

بیٹا۔۔۔۔۔۔۔۔۔۔۔۔۔۔۔۔۔۔۔۔۔۔١٤

بیٹی ۔۔۔۔۔۔۔۔۔۔۔۔۔۔۔۔۔۔۔٧

وھوسبحانہ تعالی اعلم بالصواب ۔ 

کتبه 

العبد ابوالفیضان محمد عتیق اللہ صدیقی فیضی یارعلوی ارشدی عفی عنہ 

دارالعلوم اھلسنت محی الاسلام 

بتھریاکلاں ڈومریا گنج سدھارتھنگر یوپی ۔ 

المتوطن ۔ کھڑریابزرگ پھلواپور گورابازار سدھارتھنگر یوپی ۔ 

١٦       رجب المرجب      ١٤٤٤ھ 

٨        فروری        ٢٠٢٣ء