(محمد نبی نام رکھنا کیسا ہے؟)
السلام علیکم ورحمۃ اللہ و برکا تہ
مسئلہ:۔کیا فرماتے ہیں علمائے کرام اس مسئلہ میں کہ محمد نبی نام رکھنا کیسا ہے؟ سائل ناصر علی قادری رضوی کوئٹہ بلوچستان
وعلیکم السلام ورحمۃ اللہ وبرکاتہ
بسم اللہ الرحمٰن الرحیم
الجواب بعون الملک الوہاب
محمد نبی احمد نبی محمد رسول اس طرح کے دیگر نام رکھنا جائز نہیں جیسا کہ حضور صدر الشریعہ بدر الطریقہ حضرتِ علّامہ مفتی امجد علی قادری علیہ الرحمہ تحریر فرماتے ہیں:محمد نبی، احمد نبی، محمد رسول، احمد رسول، نبی الزمان نام رکھنا بھی ناجائز ہے، بلکہ بعض کا نام نبی ﷲ بھی سنا گیا ہے، غیر نبی کو نبی کہنا ہر گز ہرگز جائزنہیں ہوسکتا۔(بہار شریعت حصہ ۱٦ نام رکھنے کا بیان مسئلہ ۱٦)
نوٹ :- اس طرح کا نام اگر کسی نے رکھ دیا ہے تو ایسے نام کو تبدیل کردیا جائے، واللہ تعالیٰ اعلم بالصواب
کتبہ
فقیر محمد معصوم رضا نوریؔ عفی عنہ
ایک تبصرہ شائع کریں